Ar jú von off ðe bjútifúl pípol?

Æ ræt ðiss inn eingliss, só ónlí ðe klevör end bjútifúl pípol ken ríd.  Ðe ögglí end stjúpid pípol kennott ríd eingliss.  Só, iff jú ken ríd ðiss jú ar móst deffinettlí von off ðe bjútifúl end klever pípol.  Kongratjúleisjon, jú hef passd ðe test.  Hóld jor hedd öpp hæ, bíkos móst of ðe pípol aránd jú ar ögglí end stjúbit.

Mýtan um aldur.

Mjög algeng hugsunarvilla í samfélaginu er að dæma fólk eftir aldri.  Í dag er ég 47 ára, en hef verið 19 frá því að ég var 17.  Ég er hokinn af reynslu liðinna ára, en kroppurinn er aðeins farinn að láta á sjá.  Samt lít ég svo á að ég sé alltaf ferskur, ég bara dragnast um með gamlar umbúðir.

Bölsýni Íslendinga.

Já, hún ríður ekki við einteyming bölsýni flestra Íslendinga.  Aumingja Stulli Bö má ekki gera smá mistök, þá fer grátkórinn af stað.  Ekki er ég neitt óánægður með þetta klúður hans með þetta litla ferjuhorn.  Hins vegar er ég mjög þakklátur því, að Stulli Bö var ekki látinn kaupa SKEMMTIFERÐASKIP.  Þá fyrst hefði farið að syrta í álinn!

Góðæri

Mikið ofboðslega hef ég það gott.  Mitt helsta umhugsunarefni þessa dagana er hvaða blöðrusparkklúbb í landi Breta ég á að styðja.  Það var kominn tími til þess að þetta góðæri hitti fyrir einhverja aðra en aldraða og öryrkja.

Elísabet

Nú er tryggingafélagið Elísabet að reyna að plata okkur.  Þeir auglýsa að sért þú án punta, færðu 13. mánuðinn fríann.  Hahahahaha, hvaða fífl ætli að falli fyrir þessu?  Það eru bara 12 mánuðir í árinu.

Fyrirsætur - Herðatré

Ein mesta skemmtun síðari ára er þættirnir um America's Next Top Model.  Þarna etja kappi saman stúlkur, sem eiga það sameiginlegt að líta þokkalega út og ganga með þær grillur í hausnum að þær séu að breyta einhverju í gangi heimsins.  Það sem fyrirsætur eru í raun og veru, en engin þeirra hefur áttað sig á, HERÐATRÉ.  Já, þær eru bara herðatré.  Í stað hefðbundins króks er komin snoppa.  Greindarvísitala þeirra er oftast í nágrenni við greindarvísitölu herðatrés, en þar sem þær eru ekki meðvitaðar um það, þá geta þær ekki þagað eins og gott herðatré gerir.  En um leið og þessar elskur opna á sér gúlann þá opinberast þessi sannleikur með greindarvísitöluna.  Á blaðsíðu 1 í handbók fyrir fyrirsætur ætti að standa:"Þegiðu og brostu."

Eru málarar fífl?

Ég hef verið að velta því fyrir mér í góðan tíma, hvort málarar og fólk sem ætlar að fara að mála hjá sér, séu fífl.  Eða halda þeir sem ætla að selja þeim málningu að þau séu fífl?  Eða eru þeir sem selja málningu fífl?  Ástæða þessara vangaveltna eru auglýsingar í sjónvarpi.  Hver man ekki eftir dúmmarahálfvitunum.  Þetta fjandans dúmmlag er ennþá fast í heilaberkinum á mér og hljómar reglulega í hausnum á mér, við litla hrifningu sjálfs mín.  Síðan er núna verið að sýna auglýsingar fyrir Flugger viðarvörn.  Þeir tveir sem þar birtast eru hælinu sem þeir sluppu af til skammar.

Plís, sýnið auglýsingu þar sem venjulegt fólk kemur við sögu.

Umhverfisverndarsinnar?

Enn á ný hellist yfir okkur holskefla erlendra stjórnleysingja, sem taka saman höndum við íslenska stjórnleysingja og iðka hér sitt stjórnleysi undir yfirskrift umhverfisverndar.  Fólk þarf ekki að hafa greindarvísitölu yfir frostmarki til þess að átta sig á því að hér eru á ferðinni stjórnlausir hálfvitar sem hafa ekkert þarfara við tíma sinn að gera en að ergja okkur friðsama íbúa þessa fallega lands.  Þessir amlóðar hafa undanfarin ár hlekkjað sig við vinnuvélar á austurlandi og haldið vinnandi fólki í gíslingu, til þess eins að koma sinni brengluðu heimsmynd á framfæri.  Og hefur einhver hlustað?  Nei.  Þessu hyski væri nær að fá sér vinnu og gera eitthvað gagnlegt fyrir samfélagið.  T.d. álver!

Svo bregðast krosstré sem önnur tré!

Jæja þá er kallinn farinn að blogga.  Þrátt fyrir fyrri yfirlýsingar um andlegt ástand þeirra sem finna hjá sér þörf fyrir að opna sitt andlega Pandórubox.  Hér á þessari síðu munu eingöngu birtast réttar skoðanir.