Íslenskt mál.

Það hefur löngum verið sagt að íslenskan sé skrítið og flókið mál.  Og það er hverju orði sannara.  Hér koma örfá dæmi um lönd og fólkið sem þar býr.

Holland          Hollendingur      Holverji

Pólland          Póllendingur      Pólverji

Ísland            Íslendingur         Ísverji

Þýskaland     Þýsklendingur     Þjóðverji       Þýskverji

Eins er ruglingur með kaupstað einn, ekki svo langt frá höfuðborginni, er Akranes heitir.  Takið eftir að akrar eru í fleirtölu í nafninu.  Akranes, ekki Akurnes.

Samt er alltaf sagt Akurnesingar, en ekki Akranesingar.  Þá er nafnið allt í einu komið í eintölu.

Við getum ekki ætlast til þess að útlendingar (útverjar) skilji þessa vitleysu, þegar við gerum það ekki sjálf.

Athugasemdir

[Halla Rut , 3.3.2008 kl. 10:16]

Það er vart hægt að læra Íslensku. Hægt er að segja töluna 2 á sextán vegu á Íslensku og er mikilvægt að nota rétta útgáfu við hvert tækiværi. tveir, par, tvennir, tvær, tveir, tvennt, annar, tvö, tvo, tveim, tveimur, tveggja, tveimur, tveggja, tveim, tvenn.

Einnig finnst mann fáránlegt með í og á. Á Akranes en í Reykjavík. Þegar maður ritar bloggfærslu og vill skipta um eitt orð þá þarf maður oft að breyta fullt af öðrum orðum í setningunni svo þau passi við orðið sem maður skipti út eða breytti. Þetta er með ólíkindum hvað þetta er flókið. 

Takk fyrir bloggvináttu. 

[Ár & síð, 3.3.2008 kl. 14:23]

Eistland - Eisti
Holland - Holli
Pólland - Polli
Ungverjaland - Ungverji - En kona þaðan? Ungverja?
Matti