Á Jónína Bjartmarz dóttur?

Ef Jónína Bjartmarz ætti nú dóttur á svipuðu reiki, þá væri þetta ekkert mál.

En annars, lög eru lög og eftir þeim skal fara.  Það er svo spurning hversu bókstaflega skal fara eftir þeim og hvort möppudýrin hafi misst allt mannlegt eðli og tilfinningar.

Í þessu tilfelli fyndist mér eðlilegast að möppudýrin sneru blinda auganu að þessum dreng, meðan hann kláraði sín mál varðandi ríkisborgararétt.

Kom 17 ára – sendur úr landi 23 ára

Athugasemdir

[Hjalti Garðarsson, 6.9.2008 kl. 17:08]

Já Hippó, vegir möppudýranna eru órannsakanlegir.  Í þessu máli hefur einhver blýantanagarinn fundið stórmál og sannað þannig tilverurétt sinn innan kerfisins.  Eflaust fær þessi öflugi bjúrókrati riddarakross fyrir störf sín.

[Anna Dóra Gunnarsdóttir, 7.9.2008 kl. 00:49]

Það getur vel verið að lög leyfi að  þessi ungi maður sé sendur úr landi, en hvað er að því að hjálpa honum að sækja um ríkisborgararétt og veita honum frest þangað til málið er í höfn.  Skítlegt eðli kemur í veg fyrir að séð sé í gegn um fingur við drenginn og honum sýnd mannúð.  Ef lögum væri alltaf svona skilmerkilega framfylgt hér á landi, væri kannski nokkrum fíflunum færra á ýmsum stöðum.