Hneyksli!

Ég bara varla túi því að hún Ingibjörg Sólrún sé að fara alla leið til Egyptalands til þess eins að tala við geit.(það er prentvilla í fréttinni Gheit).

Ég man ekki betur en stutt sé síðan fjölmiðlar voru að fjalla um geitur á Íslandi.  Væri ekki nær að Ingibjörg Sólrún færi norður í Skagafjörð og spjallaði við nokkrar geitur þar?

Ingibjörg Sólrún heldur til Egyptalands

Reka þá alla.

Það fer ekki á milli mála að menn eru ekki að standa sig í starfi, ef árangur vinnu ársins er 0.

Allir alvöru atvinnurekendur myndu ekki sætta sig við það, að framlegð starfsmanns væri 0%.

Hvað er þetta hyski að gera í vinnunni?  Allavega ekki að vinna vinnuna sína.

Ávöxtun lífeyrissjóða á núlli

Hvað er að?

Hvað er að fólki sem lætur sér detta svona vitleysu í hug?

Ég get ekki svarað því, en helst dettur mér í hug að Dr. Phil hafi svarið.

Næsta skref hjá þessu aumingjans græna liði er, að fara fram á það við Bónus að þeir sendi flokk út af örkinni, til þess að skima eftir rusli keyptu í Bónus.  Aðrar verslanir myndu svo elta.

Bifreiðaumboðin hafa einna mestu vinnuna fram undan.  Eins og allir vita, þá eru bílhræ víðs vegar.  Fyrst yrði að flokka eftir bílategundum og síðan tekur hvert bílaumboð draslið sem var keypt þar.

Varðandi flugeldaruslið, þá er náttúrulega margra daga vinna við að flokka hvað keypt var frá björgunarsveitunum og hvað var keypt frá öðrum.  Ekki vilja þeir að björgunarsveitirnar taki draslið frá öðrum söluaðilun?   Eða hvað?

Út í hött að hjálparsveitir taki við flugeldarusli

Hamingjuóskir.

Innilegar hamingjuóskir kæru nágrannar.  Þið eruð vel að þessu komin.

Country Hótel Anna fékk verðlaun Ferðamálastofu

Hvernig fattaði hann þetta?

Birgir Ármannsson er með afburðum skynsamur maður.  Að hann skuli hafa fattað þetta er alveg óskiljanlegt.  Við hin, almenningur í landinu, höfum vitað þetta lengi.

Núna bíð ég bara eftir því að Birgir Ármannsson fatti það, að tekjutengingar bóta eru óréttlátar.

Farbannið virkar greinilega ekki

Veisla!

Já, það er nú aldeilis veislutíð í dag. 

Úldinn fiskur á borðum. 

Ekki myndi skemma fyrir að hafa myglaðar kartöflur og gamalt smjör sem meðlæti.  Svo er hægt að drekka súra mjólk með þessu hnossgæti.

Synd að messa heilags Þorláks skuli bara vera einu sinni á ári!

Skatan smökkuð í fyrsta sinn

Jólafrí.

Loksins er kallinn kominn í jólafrí.  Búinn að vera á næturvöktum í 1 1/2 mánuð.  Gengur hægt að snúa sólarhringnum við.  Byrja að  vinna aftur 3. jan.  Á næturvöktum!

Krymski !

Hvernig í ósköpunum dettur nokkrum manni í hug að hleypa manni inn í landið sem heitir Krymski?  Þetta er bara bein þýðing af pólsku á Glanna Glæp.

Maður sem rauf farbann handtekinn

Tími til kominn.

Það er löngu orðið tímabært að einkavæða heilbrigðiskerfið.  Það er bara sjálfsagt mál að við, fallega og ríka fólkið, fáum þá þjónustu sem við eigum skilið.  Til hvers að vera ríkur og fallegur, ef maður þarf svo að bíða í heilbrigðisröðinni eins og sauðsvartur almúgurinn.

Þess vegna styð ég tillögu Jóns Bjarnasonar eindregið. 

Einkavæðum bara allt helvítis klabbið.

VG: Einkavæðing heilsugæslu framundan

Sjónvarpsstöðin ÓMEGA

Ég horfi mikið á sjónvarpsstöðina Ómega.  Þetta er að mínu mati ein skemmtilegasta stöðin á markaðnum.  Hins vegar vil ég íslenska nafnið.  Ómega er síðasti stafurinn í gríska stafrófinu og táknar því endi.  Þess vegna gæti þetta heitið ENDASTÖÐIN.  Þar sem alltaf er verið að betla pening, þrátt fyrir það að það vaxi gull út úr nánum fylgismönnum, gæti hún líka heitið BETLIRÁSIN.  Mun ég setja skoðanakönnun í gang til þess að fá úr þessu skorið.

Uppáhalds þátturinn minn er með trúðnum Benny Hinn.  Hann labbar um sviðið í sérsaumuðum fötum, segir sögur og syngur.  Stundum finnst mér að Benny Hinn sé Sús endurfæddur.

Benny fær líka til sín fólk upp á svið, talar við það og hrindir því svo í gólfið.  Fólkið liggur áfram, því það vill ekki að kallinn hrindi því aftur.  Þetta finnst mér vera andsk. fyndið.

Benny mætti útfæra þetta betur.  Fá fíla á sviðið og hrinda þeim svo í gólfið.  Eða gíraffa, eða górillur.  Þetta myndi trylla lýðinn.

Svo myndi honum ganga betur að betla eftir svona sýningu.  Það kostar jú sitt að halda úti vefsíðum, einkaþotum, limmósínum, hótelsvítum, sérsaumuðum fötum, starfsliði og öllu þessu sem fylgir því að vera trúður í heimsklassa.  Ég fór inn á heimasíðuna hans og ætlaði að bóka gigg hjá kallinum.  Hann er fullbókaður 2 ár fram í tímann.  Fleiri gigg en Rolling Stones og Eagles samanlagt.

Að lokum hvet ég alla til þess að taka þátt í skoðanakönnuninni.