Lítil saga úr svefnherbergi.

Það var kvöld eitt að við hjónin höfðum lagst til hvílu fyrir nóttina að konan varð vör við að ég snerti hana á mjög óvenjulegan hátt.

Fyrst renndi ég hendinni yfir axlirnar á henni og efrihluta baksins.

Síðan renndi ég hendinni mjög létt yfir brjóst hennar .

Þá hélt höndin varlega niður með síðunni og yfir magann og síðan niður með síðunni hinu megin niður að mitti. 

Ég þuklaði síðan mjöðm hennar, fyrst öðru megin og síðan hinumegin. Hönd mín fór síðan niður eftir lærunum utanverðum.

Hönd mín strauk síðan vinstra lærið varlega að innanverðu og eins við hægra lærið.

Þegar þarna var komið sögu, var hjartsláttur konunnar orðinn örari og hún titraði aðeins og hagræddi sér í rúminu.

Þá hætti ég skyndilega og sneri mér yfir á hina hliðina í rúminu.

"Af hverju ertu hættur" hvíslaði konan másandi. 

Ég hvíslaði til baka

"Búinn að finna fjarstýringuna"!!

Hver er Júdas?

Britney og eineltið.

Það ríður ekki við einteyming það einelti sem Britney greyið Spears lendir í.  Það var flutt af því frétt að Britney hefði skilið börnin sín eftir hjá lífvörðum fyrrverandi eiginmanns síns og farið í brúnkusprautun strax að loknu réttarhaldi þar sem hún missti forræðið yfir börnunum.

Hver er fréttin eiginlega?  Hver hefur svo sem ekki lent í því að skilja börnin sín eftir hjá lífvörðum fyrrverandi maka?  Hver hefur svo sem ekki lent í því að fara í brúnkusprautun stax eftir að hafa misst forræði yfir börnunum sínum vegna ólifnaðar?

Það er mál að linni.  Britney þarf að geta einbeitt sér að listsköpun sinni, óáreitt af þessum eineltispúkum.

Aulagrín.

Ég var ekkert smá montinn um daginn.  Sjálfur Ómar Ragnarsson sagði í athugasemdum að ég væri með aulagrín.  Svo fór ég að hugsa (það gerist æ sjaldnar). 

Er aulagrín grín sem aðeins aular skilja?  Þarf maður þá að vera auli til þess að fatta að það sé grín? 

Er aulagrín kannski grín sem allir nema aular fatta.  Það séu þá aularnir sem finnst það ósniðugt?

Allt í einu hætti ég að vera montinn.  Varð hálf ringlaður(án þess að drekka bjór).

Hvað segið þið?  Á ég að vera montinn eða ekki?

Er Hjörleifur nískupúki.

Tímir Hjölli ekki að kaupa sér mat?  Núna er hann að heimta mat frá ríkinu.  Enda er hann kommi.  Og ekki hvaða mat sem er.  Nei, umhverfismatur skal það vera.

Ég skora á ríkisstjórnina að gefa kallinum mat.  Kannski róast hann þá.

Krefst umhverfismats á virkjun Fjarðarár

Íslenskt réttarfar!

Eftir lestur þessa dóms þá leitar á hugann spurning.  Hvað þurfti meira til þess að ná sakfellingu.  Ég held það svei mér þá að  Inspector Jacques Clouseau hafi dæmt þetta mál.

Sýknaðir af ákæru fyrir íkveikju á Stokkseyri

Eftirlitsiðnaðurinn blómstrar.

Þarna komst Strætó aldeilis í feitt.  Þarna er hægt að hrúga inn eftirlitsmönnum.  Þeir ættu líka að hafa vald til þess að handarhöggva þessa krimma sem reyna að svindla sér inn í strætó.

Skyldi svindlið sem eftirlitsmaðurinn upplýsir duga til þess að borga launin hans?

Svindl með strætókort stóreykst

Kaffiprófið.

Þú ert svo mikið sem...

Frappuccino! Þú ert jákvæður og nýjungagjarn einstaklingur sem hikar ekki við að gera óvenjulega hluti og klæðast litskrúðugum fötum. Þú ert týpan sem hleypur á eftir strætó langar leiðir með hrópum og köllum ætli hann að fara án þín. Þú ert ískalt kaffi með mjólk, sykri og ísmolum, borið fram í háu glasi með röri.

Hér fylgir vottorð sem staðfestir að þú hefur tekið og staðist kaffiprófið. Til að sýna vottorðið á vefsíðunni þinni getur þú afritað HTML kóðann úr boxinu fyrir neðan. Samkvæmt kaffiprófinu er ég Frappuccino! ískalt kaffi með mjólk og ísmolum, borið fram í háu glasi með röri. Hvernig kaffi ert þú eiginlega?

 

Samkvæmt kaffiprófinu er ég
Frappuccino!
ískalt kaffi með mjólk og ísmolum, borið fram í háu glasi með röri.
Hvernig kaffi ert þú eiginlega?

Í takt við tímann.

Ég sá þessa ræmu í síðustu viku.  Kannski hef ég gert of miklar væntingar, en hvað um það þá flokkast þessi mynd sem lélegasta mynd sem ég hef séð.  Ekkert af þeim lögum sem hljóma í myndinni situr eftir.  Enginn myndbútur er minnisstæður.  Sem sagt LÉLEGT.

Þeir hafa ekki gert neitt af viti tónlistarlega séð frá því að Tívolí kom út.  Reyndar undanskil ég tónlistina í Með allt á hreinu.

Og eftir stórflopp á Laugardalsvelli þá finnst mér að Stuðmenn ættu að breyta slagorðinu sínu í:

Stuðmenn, hljómsveit einhverra landsmanna?

Finnst það gott.

Ég er einn af þeim Íslendingum sem hef látið olíufélögin ríða mér í þurrt rassgatið í mörg ár.  Enn og einu sinni munda þeir sig við afturendann á mér með þessari hækkun.  Annaðhvort tek ég ekki eftir því, eða þá að mér finnst þetta bara vera gott.  Allavega geri ég ekkert í málinu.

Sit bara við tölvuna og bölsótast.

Alveg eins og þið hin gerið...........hahahahaha

 

Eldsneytisverð hækkar