Glæpamannavænt samfélag.

Ég hef óbeit á þessari glæpamanna og aumingjadýrkun sem viðgengst hérna á Íslandi.  Þessi drengur á að baki nokkra dóma og alltaf er hann dæmdur í skilorðsbundið fangelsi.  Hefur hann lært eitthvað af þessu?  Já, glæpir borga sig, vegna þess að viðurlögin eru grín.

Ákærði kom fyrir dóminn þann 19. mars sl. ásamt verjanda sínum. Féll ákæruvaldið þá frá háttsemi í ákæru varðandi heimfærslu til 231. gr. almennra hegningarlaga nr. 19/1940. Játaði ákærði brot sín greiðlega fyrir dóminum og var málið dómtekið eftir að verjandi og sækjandi höfðu reifað sjónarmið um lagaákvæði og refsiákvörðun.

Um málavexti vísast til ákæruskjals. Sannað er að ákærði framdi brot þau sem greinir í ákæru utan þeirrar breytingar sem ákæruvaldið gerði og eru brotin að því leyti réttilega færð til refsiákvæða. Ákærði hefur með háttsemi sinni unnið sér til refsingar. 

Samkvæmt sakavottorði sem liggur frammi í málinu var ákærði dæmdur í fjögurra mánaða fangelsi, skilorðsbundið til þriggja ára, þann 24. janúar 2005 fyrir þjófnað og nytjastuld. Þá var ákærði dæmdur í fimm mánaða fangelsi þann 16. apríl 2006 fyrir þjófnað og þann 2. nóvember 2007 var ákærði dæmdur til greiðslu 200.000 króna sektar og sviptur ökurétti í eitt ár fyrir ýmis umferðarlagabrot. Rauf ákærði skilorð dómsins frá 16. apríl 2006 en refsing þess dóms var þá ekki dæmd upp. Brot þau sem ákærði hefur verið sakfelldur fyrir nú framdi hann áður en dómur féll þann 2. nóvember 2007 og ber því að gera honum hegningarauka samkvæmt reglum 78. gr. almennra hegningarlaga. Við ákvörðun refsingar nú verður að líta til þess að ákærða hefur tvisvar áður verið gerð þung refsing fyrir þjófnað og er ákærði nú í þriðja sinn að rjúfa skilorð. Verður honum því gerð refsing samkvæmt reglum 60. gr. almennra hegningarlaga nr. 19/1940. Þá verður það metið ákærða til refsiþyngingar að brotin framdi hann í sameiningu við annan mann, sbr. 2. mgr. 70. gr. hegningarlaga. Þykir refsing hans nú hæfilega ákveðin fangelsi í átta mánuði. Hefur dómurinn frá 16. apríl 2006 þá verið dæmdur upp. Þykir rétt með hliðsjón af ungum aldri ákærða og skýlausri játningu fyrir dómi að fresta fullnustu fimm mánaða fangelsisvistar í þrjú ár haldi ákærði almennt skilorð 57. gr. almennra hegningarlaga nr. 19/1940.

Fangelsi fyrir innbrot

Athugasemdir

[Heilagur Þorleifur (IP-tala skráð) 31.3.2008 kl. 18:04]

Já er þetta ekki merkilegt

[Kjartan Pálmarsson, 10.4.2008 kl. 23:50]

[hermóður (IP-tala skráð) 11.4.2008 kl. 00:02]

það er margt verra sem bíður þessa drengja heldur en fangelsi eða skilorð